Tuesday, August 4, 2015

Zindagi Mein Khush Rehne Ke Liye


Tareekh ke hassas insanon nay apni zindagi ka ziada hissa udaas reh kar guzara hai.
Zindagi mein khush rehne ke liye boht ziada himmat balke boht ziada be hissi chahiye..
John Elia


Zindagi me khush rehne ke liye



Saturday, April 19, 2014

Kuch Zikar Karo Us Mosam Ka Jab Rim Jhim Raat Raseeli Thi!

kuch zikar karo us mosam ka jab ram jham rat raseeli thi
jab subha ka roop rupehla tha jab sham boht sharmeeli thi
jab phool mehekti rahon per qadmon se gajar baj uthte they
jab tan me sans ke sargam ki her deepak taan sureeli thi
jab khawab sarab jazeeron me khush fehem nazar ghul jati thi
jab piyar pawan ke jhonkon se har yad ki moj nasheeli thi
amrat ki mehek thi baton me nafrat ke sharar thay palkon per
wo hont nehayet meethay they wo aankh boht zehreeli thi
mohsin us sheher me marne ko ab is ke siwa kuch yad nahin
kuch zeher tha sheher ke pani me kuch khak ki rangat neeli thi

More in Mohsin Naqvi


Friday, February 14, 2014

Meri Rooh Wich Mera Yaar Wasda!

Meri Rooh Wich Mera Yaar Wasda!
Meri Akh Wich Os Da Dedaar Wasda!

Saanu Apney Dard Di Parwah Nai!
Par Rab Karey! Har Waqt Raway Mera Yaar Wasda!

Monday, February 3, 2014

Suno Mohabbat Bheek Nahin Hai!

Ranj o Alam Ka Dholl Baja Ke!
Chaahat Ke Kashkol Uttha Ke!

Dar Dar Phirna Theek Nahin Hai!
Suno Mohabbat Bheek Nahin Hai!


Sunday, January 19, 2014

Nazar Se Door Ho Kar Bhi Tera Youn Robaroo Rahna

Thaki Tooti Hui Neendon Ke Darmiyaan Aksar,
Bohot Chupke Se Jaag Uth'ti Hain Teri Yaadain!

---------------------------------------------------------

Mila To Aur Bhi Taqseem Kar Gaya Mujh Ko,
Sametna Theen Jisey Meri Kirchiyaan Mohsin!

---------------------------------------------------------

Nazar Se Door Ho Kar Bhi Tera Youn Robaroo Rahna
Kisi Ke Pass Rahnay Ka Saliqa Ho To Aisa Ho!!

---------------------------------------------------------

Kitna Kuch Jaanta Ho Ga Wo Shakhs Merey Baare Mai
Jis Ne Mujhay Haste Howe Dekha Phir Bhi Pucha Udas Kiu Ho!

---------------------------------------------------------

Saturday, January 18, 2014

Zarey Sarkash Huey, Kehne Me Hawaen Bhi Nahin!!

zarey sarkash huey, kehne me hawaen bhi nahin
aasmanon pe kahin tang na ho jae zameen

aa ke dewaar pe bethi thin ke phir ur na sakin
titlian banjh manazir me nazar band huin

pair ki sanson me chirya ka badan khinchta gya
nabaz rukti gai,shakhon ki ragen khulti gaen

toot kar apni uranon se parinde aye
saanp ki aankhen darakhton pe bhi ab ugne lagin

shakh dar shakh ulajhti hen ragen peron ki
saanp se dosti, jangal me na bhatkae kahin

god le li he chatanon ne samandar se nami
jhote phoolon ke darakhton pe bhi khushbuen tikin